Fyrstu dagarnar av nýggja árinum legðist nógvur kavi, og høvdu røsku kommunumenninir á Eiði úr at gera við at grava frá morgni til myrkurs í nógvar dagar.
Í vetur hevur tó verið eitt sindur øðrvísi at grivið kava, tí Eiðis kommuna samtykti 30. september at keypa nýggja kavaruddingarútgerð.
Í samráð við arbeiðsformann varð avgerð tikin um at keypa eina sokallaða Caterpillar gravimaskinu, sum eisini kann brúkast til annað arbeiði tá eingin kavi er.
Arbeiðsmenninir hava seinastu dagarnar veruliga sloppið at roynt maskinuna, og sigast má at alt hevur gingið upp á stás og maskinan hevur riggað fyrimyndarliga væl.
